Одил Эргашев- ёвари сармураббии “Истиқлол”

 
Душанбе, 30.01.2014. (АМИТ «Ховар», Ситора Раҷабова).-Одил Эргашев, собиқ бозингари дастаи мунтахаби миллии Тоҷикистон ёвари сармураббии дастаи ҷавонони “Истиқлол”-и Душанбе интихоб гардид.
Ба иттилои сомонаи расмии “Истиқлол”, Одил Эргашев, ки пеш дар ин клуби пойтахт бозӣ мекард, акнун ба Баҳодур Сӯфиев дар тамрини футболбозони ҷавон кӯмак хоҳад кард.
Одил Эргашев дар ҳайати дастаҳои “Бофанда” (Душанбе) — 1996-1997, “Варзоб” (Душанбе) — 1998-2000, “Елимай” (Семипалатинск, Қазоқистон) — 2001-2003, “Регар-ТадАЗ” (Турсунзода) — 2004-2008, “Истиқлол” (Душанбе) — 2009-2011, “Равшан” (Кӯлоб) — 2012-2013 бозӣ кардааст. 
Одил Эргашев қаҳрамони 11-каратаи футболи Тоҷикистон буда, чандин маротиба бо дастаҳо Ҷоми Тоҷикистон ва Суперҷоми кишварро соҳиб шудааст. Ҷоизадори Ҷоми Президенти АФК — 2005, 2008 ва Ҷоми даъвати АФК-2006 мебошад.