Пешгӯии обуҳавошиносӣ 87,6% дуруст мебарояд

Душанбе, 22 январ. (АМИТ «Ховар», Муқаддас Кушакова).-«Дар соли сипаригардида 23 ҳазору 551 санҷиши комплексӣ, соҳавӣ ва фаврӣ гузаронида шуд»,- иброз дошт Ибодзода Хайрулло, раиси Кумитаи ҳифзи муҳити зисти назди Ҳукумати Ҷумҳурии Тоҷикистон зимни нишасти матбуотӣ ба хабарнигорон. Вай афзуд, ки аз ҷониби Муассисаи давлатии обуҳавошиносӣ соли гузашта 5 ҳазору 937 маротиба ташхиси ҳаво гузаронида шуд. Аз маълумот бармеояд, ки 192 пешгӯии 2-3 шабонарӯзӣ тартиб дода шуда, дурустии пешгӯии метрологӣ 87,6 %-ро ташкил дод. Дурустии 37 пешгӯии офати табиӣ метрологӣ 89,5%-ро ташкил дод. Ҳамчунин таъкид шуд, ки соли сипаригардида 804 ҳолати офати табиӣ мушоҳида гардид. Аз 96 дидбонгоҳи мавҷуда, дар 87 -тоаш корҳои санҷиши реҷаи дарёҳо ва дар 42 дидбонгоҳ сарфаи оби дарёҳо чен карда шуда, дурустии пешгӯии гидрологӣ 86 фоизро ташкил дод.