Тамдиди муҳлати озмуни роҳбаладони «Ҳаҷ- 2014»
Душанбе, 20 январ. (АМИТ «Ховар», Афшини Муқим). — Кумитаи оид ба корҳои дин, танзими анъана ва ҷашну маросимҳои миллии назди Ҳукумати Ҷумҳурии Тоҷикистон озмуни қабули роҳбаладон барои мавсими «Ҳаҷ-2014»-ро то 25-уми январ тамдид намуд. Ин дар ҳолест, ки озмун 25-уми декабри соли гузашта оғоз ёфтаву бояд то имрӯз, 20-уми январ идома мекард. Ба нақл аз сомонаи расмии кумита (www.din.tj) тасмими тамдиди озмун барои дарёфти роҳбаладони сазовор дар мавсими «Ҳаҷ- 2014» гирифта шудааст. Дар сомонаи кумита омадааст: «Ҳар як довталаб аз шаҳри Душанбе ва шаҳру ноҳияҳои тобеи ҷумҳурӣ, ки хоҳиши иштирок дар ин озмунро дорад, метавонад ҳуҷҷатҳои худро ба Кумитаи оид ба корҳои дин, танзими анъана ва ҷашну маросимҳои миллии назди Ҳукумати Ҷумҳурии Тоҷикистон пешниҳод намояд. Аммо довталабони вилоятҳои Хатлон ва Суғд метавонанд ҳуҷҷатҳои худро ба мақомоти вилоятии худ пешниҳод намоянд».Кумитаи оид ба корҳои дин, танзими анъана ва ҷашну маросимҳои миллӣ қабули довталабонро бо шартҳои зайл ба роҳ мондааст:синни аз 25 то 60, донистани забони арабӣ, на камтар аз як маротиба зоири хонаи Худо будан ва донистани маносики ҳаҷ. Барои сабти номи довталабони озмуни мавсими «Ҳаҷ-2014» нусхаи шиносномаи тоҷикӣ, варақаи шахсӣ, чор дона сурати 3х4. маълумотномаи тиббӣ. маълумотномаи ҷойи истиқомат. нусхаи шиносномаи хориҷӣ, бастаи ҳуҷҷатҳо ва як дона лифофа зарур аст.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






