Тасаллияти Сафорати ФР нисбати ҳалокати шаҳрвандони Тоҷикистон
Душанбе, 3 январ. (АМИТ «Ховар»).- Сафорати Федератсияи Русия дар Тоҷикистон нисбати ҳалокати фоҷиавии ду нафар шаҳрвандони Тоҷикистон изҳори тасаллият намуд. Дар он, аз ҷумла, чунин гуфта мешавад: «Дар натиҷаи амалиёти террористӣ дар шаҳри Волгоград 29 ва 30 декабри соли 2013, ки бар асари он 34 нафар ба ҳалокат расиданд, ду нафар шаҳрванди Тоҷикистон – Назаров Тошпӯлод Эргашевич ва Ғозиев Раҳмоналӣ Меликович ба таври фоҷиавӣ ҳалок гардиданд. Сафорати Федератсияи Русия дар Ҷумҳурии Тоҷикистон ҳисси дӯстии самимонаю бародарона нисбат ба мардуми Тоҷикистонро ба инобат гирифта, ба хешовандону пайвандони ҳалокшудагон сидқан изҳори тасаллият менамояд. Федератсияи Русия ҳамагуна амалиёти террористиро чӣ дар сатҳи минтақавӣ ва чӣ дар сатҳи ҷаҳонӣ маҳкум намуда, дар маркази саъю кӯшишҳои байналмилалӣ дар муборизаи зидди ин хавфу хатар қарор дорад. Аз номи роҳбарияти Русия ба Президенти Ҷумҳурии Тоҷикистон Э.Раҳмон барои изҳори тасаллият ва дастгирии Русия ва мардуми он дар ин рӯзҳои бароямон душвор, ки дар барқия бинобар воқеаҳои фоҷиавӣ дар шаҳри Волгоград ба унвони Президенти Русия В.В.Путин зикр ёфтааст, изҳори миннатдорӣ мекунем. Ба ҳамкории зичи минбаъда бо ҳамаи кишварҳои ҷаҳон, аз ҷумла бо Ҷумҳурии Тоҷикистон, дар муборизаи зидди ин офат омодаем».








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






