Тоҷикистон то соли 2015 ба пахши рақамӣ мегузарад

Душанбе, 20 январ. (АМИТ «Ховар», Фарзона Достонзода ).- Мутобиқи созишнома гузаштан ба пахши рақамӣ бояд то моҳи июни соли 2015 анҷом ёбад. Муовини аввали раиси Кумитаи телевизион ва радиошунавонии назди Ҳукумати ҶТ Сайдалӣ Сиддиқов зимни вохӯрӣ бо намояндагони ВАО дар ин бора изҳор дошт. Татбиқи лоиҳаи гузаштан ба пахши рақамӣ иборат аз шаш марҳала мебошад. Дар марҳалаи аввал пахши рақамӣ шаҳри Душанбе ва ноҳияҳои наздик ба пойтахтро фаро мегирад.Дар марҳалаҳои минбаъда усули пахши рақамӣ дар вилоятҳои Суғду Хатлон роҳандозӣ мешавад. Хотирнишон месозем, ки 16 июни соли 2006 Ҷумҳурии Тоҷикистон дар баробари 119 давлати ҷаҳон Созишномаи минтақавии «Женева – 2006» — ро имзо карда буд.