Тоҷикистону Қирғизистон ба созиш омаданд

Январь 31, 2014 19:35

Душанбе, 31.01.2014. (АМИТ «Ховар»). – Шоми имрӯз ҳайати ҳукуматии Тоҷикистон пас аз анҷоми гуфтушуниди дуҷониба бо ҳамтоёни қирғизи худ аз шаҳри Бишкек ба Душанбе баргашт.Тибқи протоколи муштараки имзошуда, ду ҷониб доир ба бисёр масоили баҳсӣ ба созиш омадаанд. Аз ҷумла таъкид гардидааст, ки ду кишвар бояд ҷараёни делимитатсия ва демаркатсияи марзи муштаракро тезонанд ва аз муноқишаҳои эҳтимолӣ дар оянда пешгирӣ намоянд.Дар ин санад омадааст: «ҷонибҳо ба созиш расиданд, ки нерӯҳои иловагии ба марзҳо фиристодаашонро аз минтақаи сарҳадӣ берун бароранд».Ҳамчунин гуфта мешавад, ки “тарафҳо бар сари чораҳои мушаххаси ба эътидол овардани вазъият низ ба созиш расиданд”.Ҳайатҳои кории ду кишвар ба қарор омадаанд, ки миёнаҳои моҳи феврали соли равон дар маҳалли марзи муштараки миёни ноҳияҳои Исфараи Тоҷикистон ва Бодканди Қирғизистон мулоқоти навбатӣ баргузор намоянд.Ҷонибҳо ба мувофиқа расиданд, ки гузаргоҳҳои сарҳадии миёни ду кишвар баъди иҷрои бандҳои марбутаи ин санад аз ҷониби Қирғизистон боз хоҳанд шуд.Хотиррасон бояд намуд, ки ҷониби Тоҷикистонро таҳти сарварии Муовини сарвазири кишвар Муродалӣ Алимардон, як қатор аъзои Ҳукумат, аз ҷумла роҳбарони Вазорати корҳои хориҷӣ, Вазорати корҳои дохилӣ ва Кумитаи давлатии идораи замин ва геодезӣ ва ҳамчунин Ёрдамчии Президенти кишвар доир ба масоили амнияти миллӣ намояндагӣ карданд.

Январь 31, 2014 19:35

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд