Туҳфаҳои солинавӣ ба собиқадорон ва хонандагон

Кӯлоб, 4 январ. (АМИТ «Ховар», Ф.Мадаминов).- Ба иттилои сардори хадамоти матбуоти раиси шаҳри Кӯлоб Суҳробшоҳи Фаррухшоҳ дар арафаи Соли нав аз ҳисоби ҳукумати шаҳр ба маблағи 27 ҳазор сомонӣ ба собиқадорони ҷанг, мактаб-интернатҳо ва шахсони куҳансол туҳфаҳои солинавӣ тақдим гардиданд. Ҳамзамон аз ҳисоби Вазорати молияи ҷумҳурӣ ба мактаб-интернати ятимони №1 шаҳр ба маблағи 10 ҳазор сомонӣ кӯмаки моддӣ ва 1 адад ноутбук тақдим карда шуд. Зикр кардан бамаврид аст, ки вазорати номбурда на танҳо дар Соли нав, балки дар ҳамаи ҷашнҳо кӯмаки худро дареғ намедорад.