Қурби асъор: Доллар ба поён, евро ба боло

Душанбе, 21.02.2014. (АМИТ «Ховар», Лайло Тоирӣ).-  Ҳафтаи ҷорӣ дар нуқтаҳои мубодилаи асъори ҷумҳурӣ қурби доллари ИМА паст шуд ва ба ҳисоби миёна 4,9436-4,9680 сомониро ташкил дод. 
     Дар ин давра қурби миёнаи амалиётҳо бо рубли русӣ низ паст шуда, ба 0,1395-0,1405 сомонӣ барробар шуд. Қурби евро бошад, баракс баланд гардида, ба 6,7244-6,7425 сомонӣ баробар гардид. 
     Тибқи иттилои хадамоти матбуоти Бонки миллии Тоҷикистон, 20 феврал қурби миёнаи доллари ИМА дар нуқтаҳои мубодилаи асъори шаҳри Душанбе ба 4,9480-4,9660 сомонӣ, шаҳри Хуҷанд ба 4,9700-4,9800 сомонӣ ва шаҳри Қӯрғонтеппа ба 4,9400-4,9700 сомонӣ баробар буд.