Қурби доллари ИМА паст шуд

 Душанбе, 18.02.2014. (АМИТ «Ховар», Лайло Тоирӣ).- Дар охири ҳафтаи гузашта бинобар андешидани чораҳои иловагии Бонки миллии Тоҷикистон, ташкилотҳои қарзӣ ва нуқтаҳои мубодилаи асъори шахсони воқеӣ — фурӯши асъори нақди хориҷӣ, қурби доллари ИМА дар нуқтаҳои мубодилаи асъори ҷумҳурӣ ба ҳисоби миёна то ба 4,9300-4,9500 сомонӣ паст шуд. 
    Қурби миёнаи амалиёт бо рубли русӣ бетағйир боқӣ монда, ба 0,1410-0,1420 сомонӣ ва бо евро каме баланд гардида, ба 6,7046-6,7234 сомонӣ баробар шуд. 
    Бино ба маълумоти Бонки миллии Тоҷикистон, рӯзҳои шанбе ва якшанбе қурби миёнаи доллари ИМА дар ин ҳудуд боқӣ монда, дар баъзе минтақаҳо то ба 4,9300-4,9450 сомонӣ поин рафт.