12 ярмаркаи ҷойи кор дар як сол

Фархор, 08.02.2014. (АМИТ «Ховар», Сулаймон  Холов).- Дар  ноҳияи  Фархор  аз  тарафи  шуъбаи  Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон дар  марказ  ва  ҷамоатҳои   деҳот  12  маротиба  ярмаркаи ҷойҳои  корӣ  ва  вазифаҳои  озод  гузаронида  шуда, дар  натиҷа 421  нафар  бо ҷои кори доимӣ  таъмин  гардид, ки  111  нафарашон занону  духтаронанд, -гуфт зимни  нишасти  матбуотӣ  раиси  ноҳияи  Фархор  Раъно  Мирзоева. 
Дар  ин  давра ба  32   нафар   шаҳрванди  бекор, ки  хоҳиши   ба  соҳибкорӣ  машғул  шуданро  дошт, 97 ҳазору 100  сомонӣ  қарз  дода шуд. Инчунин   агентӣ  дар  ин   давра  3019 ҷойи   нави  корӣ  таъсис   дод, ки   нисбат ба  ҳамин   давраи  соли  2012 — ум  4  адад  зиёд  мебошад. Дар  як  соли  сипаригардида  аз  тарафи   шуъбаи  Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон ба  123   нафар  51 ҳазору 766 сомонӣ  кумакпулӣ таъйин  шуда,  176  нафар  ба  курсҳои  бозомӯзии  касбҳои  гуногун  фаро  гирифта шуд.