Ҳаҷми истеҳсоли неруи барқ коҳиш ёфт

Душанбе, 06.02.2014. (АМИТ «Ховар», Кристина  Эрлих).- Соли  2013  ҳаҷми истеҳсоли барқ  тавассути  неругоҳҳои  барқӣ 14  миллиарду  149 миллиону  400  киловатт – соат ва тавассути  маркази  гармидиҳӣ  128  ҳазор  гекалл  нерӯи  барқро  ташкил дод,  ки  ин, нисбат  ба  ҳамин  давраи  соли  2012  баробари 223  миллиону  300  ҳазор  киловатт – соат  камтар  аст. Муовини  аввали  раиси  ҶСХК «Барқи  тоҷик»  Мирзо  Иброҳимов  дар   нишасти  матбуотӣ  дар  ин  бора  хабар  дод.  
 
Мирзо  Иброҳимов   ҳамчунин  зикр  намуд, ки  яке  аз  сабабҳои  асосии   коҳиш  ёфтани  ҳаҷми  истеҳсоли  неруи  барқ  мавҷуд  набудани  имконияти  судури  неруи  барқи  зиёдатӣ  дар  фасли тобистон  аст. Соли  2013   ҳаҷми содироти  неруи  барқ  965  миллиону  300  ҳазор  киловатт – соатро  ташкил  дод,  ки аз  ҷумлаи он  937  миллиону  400  ҳазор  киловатт —  соат  ба  Афғонистон  ва 27  миллиону  900  ҳазор  киловатт — соат ба  Қирғизистон интиқол  дода шуд.
 
ҶСХК «Барқи  тоҷик» дар  давраи  ҳисобот 2 миллиарду  732  ҳазору  200  киловатт – соат   неруи  барқро  ба  маблағи  292  миллиону  100 ҳазор  сомонӣ  харид  намуд.