Ҳалокати 15 нафар мактабиён дар Таиланд
Душанбе, 28.02.2014. (АМИТ «Ховар»).- Назар ба хабари Агентии France – Presse (Франс — Пресс) субҳи 28 феврал дар қисми шарқии Таиланд бар асари дучори садама гардидани автобуси мактабиён ва мошини боркаш 15 нафар ба ҳалокат расида ва беш аз 30 нафар ҷароҳат бардоштанд.
Садамаи нақлиётӣ ҳангоми сӯи баҳр ҳаракат кардани автобуси хонандагони синнашон аз 10 то 14 рух дод.
Мувофиқи ҳисоботи Созмони умумиҷаҳонии тандурустӣ, дар Таиланд бар асари садамаҳои нақлиётӣ аз ҷумлаи сад ҳазор нафар сокинон қариб 38 нафарашон ба ҳалокат мерасанд, ҳол он ки ин рақам дар Осиёи Ҷануби Шарқӣ 18,5 нафарро ташкил медиҳад.