Ҳамкории байналмилалии КВД «Тоҷикаэронавигатсия»

Душанбе, 03.02.2014. (АМИТ «Ховар»,  Кристина  Эрлих).- Корхонаи  воҳиди  давлатии «Тоҷикаэронавигатсия» тайи  соли  2013  бо  як  қатор ширкатҳои  хориҷӣ ҳамкорӣ барқарор  намуда,  ширкатҳои  хориҷӣ  барои такмили   фаъолияти  корхона  саҳм  гузоштанд,  —  гуфт  дар  ҷараёни   нишасти  матбуотӣ  директори генералии  Корхонаи  воҳиди  давлатии  «Тоҷикаэронавигатсия» Анвар Мақсудов.
 
Анвар  Мақсудов   ҳамчунин  зикр  намуд, ки  дар  ҳошияи   сафари  расмии  Президенти  Австрия  ба  Тоҷикистон  ва  Форуми  соҳибкорони  Тоҷикистону  Австрия  соли  2013  Ёддошт  дар  бораи  ҳамфикрию  ҳамкории  байни  Корхонаи воҳиди  давлатии «Тоҷикаэронавигатсия»  ва  ширкати «Freduentis AG» — и  Австрия  имзо  шуда,   ба  туфайли  ин  дар  ҳамаи  бунгоҳҳои  вобаста ба   идораи  ҳавопаймоҳо  ва  бехатарии парвоз  18 ҷойи  кории  системаи  робитаи  садоии  ширкати  Австрия  мавриди  истифода  қарор дода шуд.