Ҳунар- чашмаи зоянда ва давлати поянда

Турсунзода, 06.02.2014. (АМИТ «Ховар», Ҳотам Рабиев).-Ҳоло дар литсеи касбии металлургии шаҳри Турсунзода зиёда аз 700 нафар донишҷӯён аз рӯи 12 ихтисос касб меомӯзанд. Литсеи мазкур соли 1976 таъсис ёфта, асосан ҳамчун манбаи асосии тайёр кардани кадрҳои баландихтисос барои Корхонаи воҳиди давлатии «Ширкати алюминийи тоҷик» буду ҳаст.Соли гузашта 280 нафар хонада литсейро аз рӯи 10 ихтисос бомуваффақият хатм намуд. Аз ин шумора, 121 нафар ба КВД «Ширкати алюминийи тоҷик» ба кор рафта, 57 нафар ба мактабҳои олӣ дохил шуда, 21 нафар хоҷагиҳои кишоварзӣ ва 81 нафар ҷои кори озодро интихоб намуд.Литсей дорои 66, 43 гектар замини корами обӣ ва 38, 63 га замини лалмӣ буда, ҳамасола аз заминҳои мазкур ҳосили хуби пахта, гандум, шолӣ ва зағиру нахӯд рӯёнида мешавад.