Ҷаласаи раисони парлумонҳо дар Теҳрон

Февраль 15, 2014 11:39

 Душанбе, 15.02.2014.(АМИТ «Ховар», Марзия Саидзода).-18-19 феврали соли 2014 дар Теҳрон иҷлосияи 9-уми Конфронси Иттиҳоди парлумонҳои давлатҳои  аъзои Созмони конфронси исломӣ баргузор мегардад, ки дар он ҳайати парлумонии Тоҷикистон таҳти роҳбарии  Шукурҷон Зуҳуров -раиси Маҷлиси намояндагони Маҷлиси Олии Ҷумҳурии Тоҷикистон иштирок менамояд.
       Бояд тазаккур дод, ки Созмони Конфронси Исломӣ созмони байналмилалии байнидавлатӣ буда,  57 кишвари мусулмоннишинро ба ҳам муттаҳид менамояд ва  қароргоҳаш шаҳри Ҷиддаи Арабистони Саудист. 
       Тоҷикистон ҳанӯз соли 1992 ба узвияти ин созмони бонуфуз пазируфта шудааст. Кишвари мо дар доираи узвияташ ба ин созмон ҳамеша ҷонибдори густариши муносибатҳои дӯстона бо кишварҳои ҷаҳони ислом аст. Созмони мазкур  имрӯз бузургтарин ва бонуфузтарин созмони  мусулмонӣ дар миқёси ҷаҳон буда, ҳадафҳои расман эъломнамудаи он «таҳкими ҳамдилии исломӣ, тақвияти талошҳои давлатҳои мусулмонӣ, баррасӣ ва таҳияву танзими муносибати яксон дар ҳалли масъалаҳои мубрами замони муосир ба хотири хайру рифоҳи мардумони мусулмон» мебошад. 
        Оинномаи Созмони мазкур, ки соли 1972 қабул шудааст, баробарии комили давлатҳои аъзо, адами мудохила дар умури дохилӣ, эҳтироми ҳуқуқи худмухторӣ, ҳаққи ҳокимият, истиқлол, инчунин принсипҳои асосии Созмони Конфронси Исломиро таҷассум менамояд. Созмони мазкур дорои мақоми нозир дар Созмони Миллали Муттаҳид буда, дар шаҳрҳои Ню-Йорк ва Женева намояндагии доимӣ дорад.

Февраль 15, 2014 11:39

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд