Ҷамъбасти даври аввали бақайдгирӣ дар ММТ
Душанбе, 11.02.2014. (АМИТ “Ховар», Зарангези Латиф).- Давраи аввали семинари омӯзишӣ барои омода кардани бақайдгирандагон аз 4-ум то 7-уми феврал дар шаҳри Душанбе баргузор шуд.
Тавре ки дар ин бора Ситорабону Назарова, сухангӯи Маркази миллии тестӣ (ММТ) хабар дод, мутахассисони марказ дар давоми 4 рӯз ба ду гурӯҳи шунавандагон, ки аз 56 нафар иборат буданд, доир ба ҷараёни бақайдгирии довлаталабон бо истифода аз технологияи муосир дарсҳои амаливу назариявӣ созмон дода, ба тариқи санҷиш 42 нафарро ба кори мавсимӣ интихоб карданд: 7 нафар роҳбари нуқтаи бақайдгирӣ, 7 нафар ёвари онҳо ва 28 нафар бақайдгиранда .
Теъдоди масъулони бахши бақайдгирӣ дар шаҳри Душанбе ва ноҳияи Рашт ҳамчун масъули ин кор фаъолият хоҳад кард.
Ёдрас мешавем, ки дар давоми як моҳ силсилаи семинарҳо дар 4 минтақаи ҷумҳурӣ: вилояти Суғд аз 11-ум то 14-уми феврал, вилояти Хатлон аз 18-ум то 21-уми феврал, ВМКБ аз 25-ум то 26-уми феврал баргузор мешавад.
Тибқи эълони пешакӣ ба 20 бунгоҳи бақайдгирӣ, ки аз ҷониби марказ дар 11 шаҳру навоҳии кишвар таъсис дода шудааст, 164 нафар ҳуҷҷат супурдаанд. Аз байни иштирокдорон дар маҷмӯъ 120 нафари арзанда ба ҳайси бақайдгирандагони оянда интихоб мешавад.
Бояд зикр намуд, ки давраи бақайдгирии довталабон ба муассисаҳои олии кишвар аз 1-уми март то 15-уми апрел идома меёбад.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






