Ҷиноятро пешгирӣ мебояд

Шурообод, 04.02.2014. (АМИТ «Ховар», Сулаймон  Холов).- Дар  ноҳияи Шӯрообод таъмини  тартиботи ҷамъиятӣ ва  суботу оромии  ҷомеа, ба ҷавобгарӣ   кашидани  шахсони ҷиноятсодиркарда,  инчунин   пешгирии   гардиши   ғайриқонунии  маводи  мухаддир  зери   назорати  қатъии  мақомоти  ҳифзи  хуқуқ  қарор  дорад. Ба  иттилои  раиси  ноҳия  Амирхон Икромов   дар  як  соли  сипаригардида  аз тарафи  шуъбаи   корҳои  дохилии  ноҳия   66  ҷиноят  ба  қайд  гирифта  шуда,  сатҳи  кушодашавии  ҷиноятҳо 70  фоизро  ташкил дод. Дар   ин давра  аз тарафи  шуъбаи  корҳои дохилӣ  бо бурдани корҳои  фаврию  ҷустуҷӯӣ  дар байни  аҳолӣ   ба  миқдори  9,585 кг  героин,  44 г  афюн, 26,85 кг  ҳашиш, 1003,43 кг  нашъа, 13  адад   яроқи  тамғаи  оташфишон, 4  адад   тирдон ва  3  адад  корди  ҳарбӣ мусодира  шудааст.