А.Қодирӣ узви МММО интихоб шуд

Хуҷанд, 19.02.2014. (АМИТ «Ховар»,  Абдуаҳад  Додобоев).-  Раиси  вилояти  Суғд  Абдураҳмон  Қодирӣ  узви   Маҷлиси  миллии  Маҷлиси Олии  Ҷумҳурии  Тоҷикистон  интихоб  гардид. 
 
Рӯзи   шанбеи  гузаштаи  15  феврал ҷаласаи   муштараки   намояндагони  мақомоти   вилоятӣ ва  шаҳрию  ноҳиявии  Суғд  баргузор  гардида,   дар  он  аз ҷумлаи  698  нафар  интихобкунандагон  639  нафари онҳо  иштирок намуданд.
 
Дар  ҷаласа  масъалаи  «Интихоби  узви  нави  Маҷлиси  миллии  Маҷлиси  Олии  Ҷумҳурии  Тоҷикистон  ба  ҷойи вакили аз  ҳавзаи интихоботии Суғд № 2  хориҷшуда»  баррасӣ  шуд. 
 
Аз  ҷумлаи  639 нафар  интихобкунандагон 629  нафари онҳо  ба  ҷонибдории  роҳбари  ҳозираи  вилоят  Абдураҳмон  Қодирӣ  овоз доданд. Мувофиқи  ин  дар   асоси   моддаи   51  қонуни  конститутсионии  ҶТ «Дар  бораи   интихоботи Маҷлиси Олии  ҶТ»  Абдураҳмон  Қодирӣ  узви  интихобшудаи Маҷлиси  миллии  Маҷлиси  Олии  Ҷумҳурии  Тоҷикистон  аз  ҳавзаи  интихоботии  Суғд № 2  дониста  шуд.