Ба даст овардани 10 медали тилло дар Эрон

Душанбе,  17.02.2014. (АМИТ «Ховар», Музаффари Рустам).- Дар шаҳри Теҳрони Ҷумҳурии Исломии Эрон  6-умин мусобиқаи байналмилалӣ оид ба карате ню-фул контакт ва кикбоксинг баргузор гардид, ки дар он намояндагони 12 кишвар, аз ҷумла Озарбойҷон, Афғонистон, Ҷопон, Тоҷикистон, Эрон, Русия, Ироқ, Туркия ширкат намуданд. Варзишгарон дар вазнҳои мухталиф аз рӯи сол баромад карданд. 
       Ҳайати тими Тоҷикистонро 30 нафар, аз ҷумла 3 бонуварзишгар, довар, мураббӣ ва боқӣ варзишгарони наврасу  ҷавон ташкил менамуд. Ҳунару истеъдоди варзишгарони тоҷик ба куллӣ аз рақибон тафовут дошт ва дастпарварони карате ню-фул контакти Тоҷикистон 10 медали тилло ба даст оварданд. Дар гурӯҳҳои худ ҳар яке бар 2 ва 3 рақиб ғолиб омаданд. 
Барандагони медалҳои тилло аз Точикистон дар байни наврасон- Абдуллои Мирзо дар вазни 20 кг, Сафархони Юсуф (23 кг), Эмомназар Нуров (+26 кг), Рустам Нуров, Манучеҳри Назривалӣ, Меҳрубони Маҳмадалӣ буданд.   Дар ҳайати даставӣ тими Тоҷикистон баъди Эрон ҷойи дуюмро касб кард. 
Ҳафтаи нав гурӯҳи дигари варзишгарони тоҷик бо роҳбарии Аҳтам Хокиров ба шаҳри Теҳрон барои ширкат дар мусобиқаи байналмилалӣ оид ба муҳорибаҳои омехта сафарбар мегардад.