Баргузории ярмаркаи ниҳолҳо дар пойтахт

Февраль 24, 2014 10:45

Душанбе, 24 феврал. (АМИТ «Ховар», Раъно Нусратуллозода).- 22-23 феврали соли ҷорӣ бо ибтикори Вазорати кишоварзии ҷумҳурӣ дар назди майдони марказҳои савдои «Ганҷина» ва «Панҷшер» ярмаркаи фурӯши ниҳолҳо ва тухми зироатҳо доир гардид. Дар ярмарка хоҷагиҳои ниҳолпарвари ноҳияҳои Восеъ, Хуросон, Абдураҳмони Ҷомӣ ва шаҳри Нораки вилояти Хатлон, хоҷагии ниҳолпарвари Корхонаи воҳиди давлатии ҷумҳуриявии «Ниҳолпарвар», хоҷагиҳои ниҳолпарвари Агентии хоҷагии ҷангали назди Ҳукумати Ҷумҳурии Тоҷикистон ва соҳибкорони инфиродӣ иштирок намуда, беҳтарин намуди ниҳол ва намудҳои гуногуни тухми зироатҳоро пешниҳоди харидорон намуданд.Дар чорабинии мазкур муовини Сарвазири ҷумҳурӣ Муродалӣ Алимардон зикр намуд, ки бо дастури Президенти мамлакат минбаъд дар маркази вилоятҳои ҷумҳурӣ пайваста чунин ярмарка-фурӯши ниҳолҳо баргузор мегардад. Ҳадаф аз баргузории чунин ярмаркаҳо пеш аз ҳама таъмини минтақаҳои кабудизоршаванда бо ниҳолҳои ороишии ҳамешасабз, мевадиҳанда ва сояафкан буда, ин барои дастгирии хоҷагиҳои ниҳолпарвар муфид арзёбӣ мегардад.Тавре ки сардори бахши иттилооти Раёсати ҳифзи муҳити зисти шаҳри Душанбе Саидаҳмади Акрампур иттилоъ дод, дар чорабинӣ 1 млн. 81 ҳазор бех ниҳоли ороишии ҳамешасабз, мевадиҳанда, сояафкан, гулу бутта ва тухми зироатҳо пешниҳоди харидорон гардид, ки аз ин 800 ҳазораш ниҳоли мевадиҳанда буда, 281 ҳазораш ниҳоли ороишию сояафкан ва гулу бутта буд.Дар поёни чорбинӣ ба хоҷагиҳои фаъоли ниҳолпарвар аз тарафи Вазорати кишоварзии ҷумҳурӣ туҳфаҳои хотиравӣ тақдим карда шуд.

Февраль 24, 2014 10:45

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд