Баррасии ҳамкориҳои Тоҷикистону Украина дар соҳаи саноат

Душанбе, 5.02.14 (АМИТ «Ховар», Фарзона Ашӯрмадова).-Дирӯз вазири саноат ва технологияҳои нави Тоҷикистон Шавкат Бобоев   бо Сафири Фавқулода ва Мухтори Украина дар  Тоҷикистон Никитюк Виктор Олегович масъалаҳои густариши ҳамкориҳои дуҷониба дар соҳаи саноат ва технологияҳои нав оид ба  саноати хўроквориро баррасӣ намуданд.
Тавре ки дар ин бора аз Вазорати саноат ва технологияҳои нави кишвар хабар доданд, ҷонибҳо ҳамчунин ҳамкорӣ дар соҳаи саноати маъдани куҳӣ, коркарди ашёи хоми чорво-пўст, коркарди истеҳсоли пилларо мавриди баррассӣ қарор доданд. 
Гуфта мешавад, ки ҷонибҳо дар мулоқот  инчунин ба паҳлуҳои дигари ҳамкориҳо таваҷҷуҳ  зоҳир намуда, иброз доштанд, ки ҳамкориҳои дуҷониба  дар бахшҳои гуногун мавриди омўзиши тарафҳо   қарор хоҳанд гирифт.