Бонки марказии Русия иҷозатномаи «Евротраст»-ро бозхонд кард

 Душанбе, 18.02.2014. (АМИТ «Ховар», Лайло Тоирӣ).- Хадамоти матбуоти Бонки миллии Тоҷикистон иттилоъ медиҳад, ки тибқи Фармони Бонки марказии Русия аз 11 феврали соли 2014, иҷозатномаи Ташкилоти қарзии Ҷамъияти саҳомии пӯшидаи “Европейский трастовый банк”-и шаҳри Маскав (ТҚ ҶСП “ЕВРОТРАСТ”), ки барои иҷрои амалиёти бонкӣ ба вай дода шуда буд, бозхонд карда шуд. 
     Бонки миллии Тоҷикистон дар кутоҳтарин фурсат барои вуқуъ омадани ин кор ташкилотҳои қарзии ҷумҳуриро хабардор намуд ва онҳоро муваззаф кард, ки ҷиҳати пешгирии интиқоли минбаъдаи маблағҳои муҳоҷирони меҳнатӣ тавассути ТҚ ҶСП “ЕВРОТРАСТ”-и шаҳри Маскав тадбирҳои заруриро андешанд.