Чаро ҳолатҳои бекоршавии ақди никоҳ зиёд гардиданд?

 
Душанбе, 4.02.2014. (АМИТ «Ховар», Лайло Қосимова).-  «Тибқи маълумотҳои омории Раёсати асноди ҳолати шаҳрвандӣ дар соли 2013-7444 никоҳ ба қайд гирифта шудааст, ки ин нисбат ба ҳамин давраи соли 2012 — 352 адад кам мебошад»,-иттилоъ дод раиси Кумитаи кор бо занон ва оилаи назди Ҳукумати Ҷумҳурии Тоҷикистон Махфират Хидирова, имрӯз дар ҷараёни нишасти матбуотӣ. 
Бино ба маълумоти кумита дар ҷамъбасти соли 2013-8194 ҳолати бекоршавии ақди никоҳ ба қайд гирифта шудааст, ки нисбат ба ҳамин давраи соли 2012 ҷамъ 586 ҳолат зиёд мебошад.
Махфират Хидирова сабаби зиёд шудани ҷудошавии занону мардонро дар ҷумҳурӣ аз паст будани маърифати хонаводагӣ, омода набудани ҷавонон ба оиладоршавӣ, муҳоҷирати меҳнатӣ, дахолати наздикон ва паст будани сатҳи зиндагӣ номид.  Кумита ният дорад имсол тадқиқоти сотсиологӣ гузаронида, сабаб ва омилҳои вайроншавии оилаҳои шаҳрвандонро муайян созад. Ба гуфтаи М. Хидирова кумита пас аз маълум кардани ин омилҳо кӯшиш мекунад, ки онҳоро бартараф намояд.