Дар Суғд бунёди 160 корхонаи саноатӣ дар назар аст

Февраль 14, 2014 15:19

Хуҷанд, 14.02.2014. (АМИТ «Ховар», Абдуаҳад  Додобоев).- «Корхонаҳои   саноати  маъдани  вилоят  бо  истифода  аз  иқтидори  мавҷудаашон  метавонанд  соле ба  маблағи   1  миллиарду 300  миллион  сомонӣ  маҳсулот  тавлид  кунад. Вале  натиҷаи таҳлил    нишон  медиҳад, ки  соли  гузашта  корхонаҳои   ин  соҳа назар  ба  иқтидори  мавҷуда  баробари 400 миллион  сомонӣ камтар   маҳсулот  истеҳсол  намудаанд»,  — гуфт  муовини раиси  вилояти  Суғд Хайрулло  Маҳмадуллоев  дар ҷаласаи машваратӣ  бо роҳбарону  мутахассисони   корхонаҳои   саноати  маъдан  ва  истеҳсоли   маводи  сохтмонӣ.
 
Раиси  вилоят  Абдураҳмон  Қодирӣ   дар навбати  худ зикр  намуд, ки  соли  2013  дар  вилоят  6  корхонаи  саноати маъдан  фаъолият  дошт. 
 
Зикр  шуд, ки  дар  вилоят  5  корхонаи  истеҳсоли  семент,  14  корхонаи  хиштпазӣ ва  як  қатор  корхонаҳои  тирезаю  дарсозӣ  фаъолият  дошта,   барои   таъмини  талаботи  аҳолӣ  ба маҳсулоташон саҳми  бориз  мегузоранд. 
 
Мувофиқи  «Барномаи бунёди   корхонаҳои нав   дар  соли  2014»  сохтмони  160  корхонаи  саноатӣ   пешбинӣ  шудааст, ки  дар  онҳо  бояд   беш  аз  5  ҳазор ҷойи  кор фароҳам оварда шавад.
 
Хотирнишон  месозем, ки  чанде  пеш  раиси  вилоят Абдураҳмон  Қодирӣ  ба  манзури  мусоидат   ба   рушди  саноат  бо кормандони саноати  сабук  ва хӯрокворӣ   машварати  корӣ  доир  намуда буд. 
 
 

Февраль 14, 2014 15:19

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд