Даргузашти роҳбари ҷамъияти «Нур»
Душанбе, 3.02.2014 c (АМИТ «Ховар», М. Зунунова).-Сафорати Ҷумҳурии Тоҷикистон дар Федератсияи Русия бо изҳори таассуф хабар медиҳад, ки шаби 2 феврали соли равон дар яке аз бемористонҳои шаҳри Маскав роҳбари ҷамъияти «Нур»- яке аз марказҳои маъруфи фарҳангии тоҷикон дар Русия, олим ва адабиётшиноси шинохтаи тоҷик Боғшоҳи Лашкарбек аз олам даргузашт. Сафорат аз марги нобаҳангоми Боғшоҳи Лашкарбек сахт андуҳгин буда, ба аҳли хонаводаи муътабари эшон, дӯстону наздикон ва аъзои ҷамъияте, ки марҳум солиёни дароз сарварии онро бар уҳда дошт, изҳори ҳамдардӣ менамояд. Сафири Тоҷикистон дар Русия Абдулмаҷид Достиев дирӯз, 2 феврал масъулини сафоратро гирд оварда, аз ин хабари пурғам изҳори таассуф намуд. Сафири Тоҷикистон дастур дод, ки масъулини сафорат бо хонаводаи олими шинохтаи тоҷик ва шахсияти баргузидаи фарҳангии тоҷикон дар Русия Боғшоҳи Лашкарбек дар тамоси доимӣ бошанд ва дар масоили ташкили маросими видоъ, ҳамчунин дар мувофиқа бо аҳли хонаводаи марҳум ҷиҳати интиқоли ҷасади ин шахсияти саршиноси ҷомиаи тоҷикистониёни Русия ба Ватан кумак расонанд. Интизор меравад, ки маросими видоъ рӯзҳои наздик дар Маскав баргузор гардад. Муҳаммади .Эгамзод, намояндаи расмии Сафорати Ҷумҳурии Тоҷикистон дар Федератсияи Русия дар ин маврид гуфт: «Устод Боғшоҳи Лашкарбекро 16-сол аст, ки хуб мешинохтам. Равоншод ҳамчун олими адабиётшиноси тоҷик, сарвари яке аз ҷомиаҳои тоҷикистониҳои Русия дар фазои фарҳангии миллатҳои муқими Русия, аз ҷумла ҳамватанони мо ҳузури чашмгир доштанд. Эшон ҳамчун сипаҳсолори фарҳанги миллии тоҷикон дар хоки кишвари русӣ ҳамеша дар такопӯ буд, ки насли феълии ҳамватанони мо, ки аксар ҷавонону наврасонанд, аз решаҳои асли хеш, ки дар куҳистони Ватан ҷой доранд, ба дуриҳо наяфтанд, решапайвандие дошта бошанд. Аз ин ҷост, ки доимо маҳфилҳои фарҳангӣ баргузор мекарданд, кишвари азиз ва фарҳангу адабиёти қадимии мардуми моро муаррифӣ менамуданд. Марги ин фарзанди баруманди миллат талафоти гаронест барои тоҷикистониҳои муқими Русия».








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






