Дарёфти Ҷоми Фармондеҳи қӯшунҳои зудамал

Душанбе, 19.02.2014. (АМИТ «Ховар», Лутфия Эшонзода).- Дар арафаи 21-умин солгарди таъсиси Артиши миллӣ, барои дарёфти Ҷоми фармондеҳи қӯшунҳои зудамали Қувваҳои Мусаллаҳи Ҷумҳурии Тоҷикистон миёни хизматчиёни ҷузъу томҳои ин навъи қӯшун мусобиқаи варзишӣ доир гардид.
Тавре ки аз маркази матбуоти Вазорати мудофиаи ҶТ хабар доданд, дар мусобиқа сарбозон аз рӯйи ду навъи варзиш, гӯштини миллӣ ва ҷанги тан ба тан миёни ҳам сабқат намуданд.
Ба гуфтаи масъулини соҳа, ташкили чунин мусобиқоти варзишӣ, ба сатҳи омодагии ҷангии хизматчиёни ҳарбӣ мусоидат намуда, барои боз ҳам рушд додани риштаи варзиш заминаи устувор мегузоранд. Ҳамасола дар доираи чорабиниҳои гуногуни тарҳрезигардидаи масъулини Вазорати мудофиа, мусобиқаҳои ҳарбӣ-варзишӣ дар қисмҳои ҳарбии ин ниҳоди қудратӣ ба роҳ монда шуда, барои ба ҳам овардани риштаи дӯстиву бародарӣ миёни сарбозон мусоидат менамояд.
Дар даври ҷамъбастии мусобиқаи варзишӣ ба ғолибони мусобиқа Ҷом, ифтихорнома ва дигар туҳфаҳои таъсисдодаи ҳайати фармондеҳии қӯшунҳои зудамали Қувваҳои мусаллаҳ супорида шуд.