Эҳтимоли даст кашидани ССКА «Помир» аз мусобиқаи Тоҷикистон-2014
Душанбе, 1.02.14 (АМИТ «Ховар», Фарзона Ашӯрмадова).-Дастаи ССКА «Помир»-и Душанбе эҳтимол аз иштирок дар мусобиқаи имсолаи қаҳрамонии Тоҷикистон-2014 миёни дастаҳои лигаи олӣ даст кашад.
Дар ин бора сомонаи Федератсияи футболи Тоҷикистон хабар додааст. Ба иттилои манбаъ роҳбарияти Вазорати мудофиаи кишвар дар бораи аз нав ташкил кардани клуби ССКА «Помир» ва ширкат накардани он дар чемпионати Тоҷикистон тасмим гирифтааст. Вале вазири мудофиа Шералӣ Мирзо ҳанӯз ба мактуб дар бораи иштирок накардани даста дар Ҷоми Тоҷикистон-2014 дар мавсими соли ҷорӣ имзо накардааст.
Ёдрас мешавем, ки дастаи футболи ССКА «Помир» бо дастгирии Шералӣ Хайруллоев, собиқ вазири мудофиаи Тоҷикистон, ки мухлиси ашаддии футбол аст, таъсис ёфта буд.
Ин даста аввал СКА ПВО «Помир» ва аз соли 1998 СКА «Помир» ном дошт. Дар мавсими соли 2007 СКА «Помир» бо дастаи ССКА муттаҳид шуда, номи ССКА «Помир»-ро гирифт. Соли гузашта ин даста дар мусобиқаи қаҳрамонии кишвар байни дастаҳои лигаи олӣ дар ҷадвал дар зинаи пеш аз охирин ҷойгир шуд.
6 феврал дар якчанд вазорату идораҳо нишасти матбуотӣ баргузор мегардад
Оид ба тағйирёбии иқлим ва стратегияҳои мутобиқшавӣ дар Осиёи Марказӣ конференсияи байналмилалӣ доир мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
«МегаФон Life»: алоқа бе маҳдудият ва хароҷоти зиёдатӣ
НИШАСТИ МАТБУОТӢ. Палатаи савдо ва саноат иштироки соҳибкоронро дар 38 намоишгоҳ таъмин намудааст
СОЛИ 2026 — СОЛИ АМАЛҲОИ НЕК, ТАШАББУСҲОИ СОЗАНДА ВА ДАСТОВАРДҲОИ НАЗАРРАС. Онро метавон марҳилаи нави ободонӣ ва худшиносии миллӣ номид
Имрӯз дар баъзе ноҳияҳои Тоҷикистон туман мефарояд
