Эрон хостори татбиқи барномаҳои нав дар Тоҷикистон?

 
Душанбе, 14.02.2014. (АМИТ “Ховар”).- Дар мулоқоти Президенти Ҷумҳурии Тоҷикистон Эмомалӣ Раҳмон ва Муовини вазири корҳои хориҷии Ҷумҳурии Исломии Эрон Иброҳим Раҳимпур ҳолати кунунӣ ва дурнамои ҳамкориҳои ду кишвари дӯст — Тоҷикистону Эрон, инчунин тавсеаи равобити иқтисодии ду кишвар мавриди муҳокима қарор гирифт. 
Иброҳим Раҳимпур пас аз мулоқот бо Сарвари давлат Эмомалӣ Раҳмон дар ҳузури намояндагони васоити ахбори оммаи ду кишвар гуфт: “Мулоқоти хубу созандае бо Раисҷумҳури муҳтарами Тоҷикистон Эмомалӣ Раҳмон доштем. Мо равобити 22-солаи миёни ду кишвари мутамаддини форсизабонро баррасӣ намуда, дурнамои ҳамкориҳо дар бахшҳои мухталифро муайян сохтем. Бо таваҷҷуҳ ба он, ки ширкатҳои эронӣ ҷиҳати татбиқи якчанд лоиҳа дар Тоҷикистон саҳм гузоштаанд, мо бо ҷаноби Эмомалӣ Раҳмон масоили такмили бархе аз лоиҳаҳо ва амалисозии лоиҳаҳои нав аз ҷониби ширкатҳои эрониро муҳокима намудем”.