Фаъолияти 17-солаи минаҷӯёни тоҷик
Душанбе, 17.02.2014. (АМИТ «Ховар», Муқаддас Темурзода).-Ба таъсиси Баталйони муҳандисӣ- минаҷӯии Вазорати мудофиаи кишвар имсол 17 сол пур шуд. Баталйони мазкур соли 1997-ум таъсис ёфта, дар самти тоза ва безарар гардонидани минтақаҳои гуногуни ҷумҳурӣ аз мина ва дигар муҳимоти тарканда нақши муассир дорад.
Баъд аз таъсиси баталйони мазкур, бо назардошти маблағгузории нокифоя, надоштани дастгоҳу лавозимоти ҳозиразамони минаҷӯӣ ва норасоии мутахассисони соҳавӣ кори онҳо дар самти безарар гардонидани минтақаҳои мухталифи кишвар аз мина ва дигар моддаҳои тарканда суст ба роҳ монда шуда буд.
Пас аз шомил шудани Ҷумҳурии Тоҷикистон ба Конвенсияи Оттава, бо кумаку дастгирии молиявии созмонҳои байналмилалӣ, ҷузъу томҳои Баталйони муҳандисӣ- минаҷӯӣ дар ҳамоҳангӣ бо хизматчиёни ҳарбии дигар сохторҳои қудратии мамлакат ба кори нобудсозии минаҳои зидди пиёдагард ва тозаву безарар намудани манотиқи кишвар аз муҳимоти нотаркидаи хатарнок шуруъ намуданд.
Ҳамин тариқ, аз соли 2003-юм ин ҷониб, корҳои тозаву безараргардонӣ дар се қисмати асосии кишвар бо суръат ҷараён дошта, то ба имрӯз аз ҷониби дастаҳои поксозӣ, қисми зиёди заминҳои хатарзои кишвар тоза гардонида шуд. Ба гуфтаи масъулини соҳа дар айни замон, дар ҳудуди мамлакат 8,5 км квадратӣ заминҳои минадошта боқӣ мондааст, ки ба минтақаҳои хатардошта шомил мебошад.
Тибқи иттилои маркази матбуоти Вазорати мудофиаи ҷумҳурӣ Тоҷикистон дар доираи уҳдадориҳои байналмилалии худ ва тибқи нақша то соли 2020-ум заминҳои боқимондаи мамлакатро, ки то ҳол хатарноканд, аз мина ва дигар муҳимоти тарканда пурра бояд тозаю безарар гардонад.
Лозим ба ёдоварист, ки аз оғози соли 1992 инҷониб, аз таркиши моддаҳои мухталифи тарканда 364 нафар ҳалок ва 470 каси дигар ҷароҳатҳои вазнини ҷисмонӣ бардоштаанд, ки аксари онҳоро занону кӯдакон ташкил медиҳанд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






