Гулгузории ворисони Сомонӣ

Душанбе, 26.02.2014. (АМИТ «Ховар», Некрӯзи Муҳаммадсодиқ).- Имрӯз, 26 феврали соли 2014 ба таъсиси Созмони талабагон 14 сол пур шуд. Муассисаи давлатии  «Маркази кӯдакон ва наврасони шаҳри Душанбе» дар ҳамбастагӣ бо ташкилоти худидоракунии  хонандагони Созмони талабагони шаҳри Душанбе ба номи Исмоили Сомонӣ бахшида ба 14-умин солгарди ин ташкилот дар назди муҷассамаи  шоҳ Исмоили Сомонӣ маросими гулгузорӣ  баргузор намуд.
   Фаъолияти созмон асосан дар муассисаҳои таълимӣ ба воситаи се зина- «Ахтарон» (хонандагони синфҳои 1-4), «Ворисони Сомониён» (хонандагони синфҳои 5-9) ва «Сомониён» (хонандагони 10-11) амалӣ гардида, то ҳол шумораи умумии аъзои он дар  пойтахт 116 ҳазору 439 нафарро ташкил медиҳад.
   Бояд гуфт, ки маросими  гулгузорӣ дар назди  муҷассамаи шоҳ Исмоили Сомонӣ бо иштироки зиёда аз 200  нафар аъзои фаъоли Созмони талабагон, собиқадорон ва намояндагони Раёсати маориф ва шуъбаҳои он баргузор гардида, инчунин маҷлиси тантанавии он бо иштироки зиёда аз 200 нафар кӯдаку  наврас,  ки аъзои фаъоли Созмони талабагонанд, меҳмонон  ва собиқадорон   дар нимаи   дуюми рӯз дар толори Муассисаи давлатии «Маркази кӯдакон ва наврасони шаҳри Душанбе»  баргузор гардид. 
 Дар хатми маҷлис беҳтарин роҳбарон ва раисони Созмони талабагон бо  Сипоснома ба Ифтихорнома сарфароз гардиданд.