Густариши ҳамкориҳои Тоҷикистон ва СҲШ

        Душанбе, 14.02.2014.(АМИТ «Ховар», Муқаддас Темурзода).- Имрӯз бо ибтикори Маркази татқиқоти стратегии назди Президенти Ҷумҳурии Тоҷикистон ва Китобхонаи миллӣ бахшида ба раисии Ҷумҳурии Тоҷикистон дар Созмони Ҳамкории Шанхай (СҲШ) мизи гирди муштарак ва муаррифии китоби «Тоҷикистон ва СҲШ: субот ва шукуфоӣ» баргузор гардид.   Ҳамоишро директори Китобхонаи миллии Тоҷикистон, академик Носирҷон Салимов ҳусни оғоз бахшид. Ҳамоҳангсози миллии Ҷумҳурии Тоҷикистон дар Созмони Ҳамкориҳои Шанхай Парвиз  Додов оид ба ҳамкориҳои тарафайн сухан гуфт.
     Китоби Маркази татқиқоти стратегии назди Президенти Ҷумҳурии  Тоҷикистон дар мавзӯи «Тоҷикистон дар СҲШ: субот ва шукуфоӣ»-ро директори марказ Худобердӣ Холиқназар муаррифӣ карда, иштирокчиёнро бо муҳтавои он шинос намуд. 
  Ба қавли Х. Холиқназар китоби мазкур густариш ва рушди ҳамкориҳои дуҷонибаро дар бар мегирад. 
     Дар ҳамоиш ҳамчунин сафирони кишварҳои аъзои СҲШ, намояндагони вазорату донишгоҳҳо, Академияи илмҳои Тоҷикистон ва хабарнигорон иштирок намуданд.