Иштироки Р. Назаров дар ҷаласаи зиддимухаддиротӣ
Душанбе, 27.02.2014. (АМИТ «Ховар», Муқаддас Темурзода).- 24-25 феврал директори Агентии назорати маводи нашъаовари (АНМН) назди Президенти ҶТ Рустам Назаров зимни сафари корӣ дар шаҳри Остонаи Қазоқистон бо раиси Кумитаи амнияти миллии Ҷумҳурии Қазоқистон Н. Абикаев мулоқот намуд.
Тавре ки ба АМИТ «Ховар» аз маркази матбуоти АНМН хабар доданд. роҳбарони идораҳо оид ба рушди ҳамкории тарафайн мубодилаи афкор намуданд ва самтҳои афзалиятноки фаъолиятро дар соҳаи мубориза бар зидди муомилоти ғайриқонунии маводи нашъаовар муайян намуданд. Диққати махсус ба рушди вазъияти вобаста ба маводи нашъаовар дар минтақа пас аз хуруҷи Нерӯҳои байналмиллалии мусоидат ба амният аз Афғонистон дар соли 2014 равона шуд.
Тарафҳо ба якдигар оид ба вазъи баамаломада вобаста ба маводи нашъаовар дар кишварҳо иттилоъ доданд, нисбат ба рушди ҳамкории тарафайн байни Кумитаи амнияти миллии Ҷумҳурии Қазоқистон ва Агентии назорати маводи нашъаовари назди Президенти ҶТ мубодилаи афкор намуданд.
Дар чорчӯбаи сафари хизматӣ директори агентӣ 25 феврал дар шаҳри Алмаато дар ҷаласаи ғайринавбатии Шӯрои ҳамоҳангсозони миллии давлатҳои иштирокчии Маркази минтақавии иттилооти Осиёи Марказӣ оид ба мубориза бар зидди муомилоти ғайриқонунии воситаҳои нашъадор, маводи психотропӣ ва прекурсорҳои онҳо иштирок намуд.
Дар кори ҷаласа инчунин аъзои шӯро аз Ҷумҳурии Озарбойҷон, Ҷумҳурии Қазоқистон, Ҷумҳурии Қирғизистон, Федератсияи Русия, Туркманистон, Ҷумҳурии Ӯзбекистон, инчунин роҳбари намояндагии минтақавии Раёсати СММ оид ба маводи нашъаовар ва ҷиноят дар Осиёи Марказӣ иштирок намуданд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






