Истеҳсоли маҳсулоти чорво меафзояд

Ҳисор, 06.02.2014. (АМИТ «Ховар», Ҳотам Рабиев).-Дар ноҳияи Ҳисор ба тараққиёти соҳаи чорводорӣ диққати ҷиддӣ медиҳанд. Саршумори чорвои калони шохдор дар ҳамаи шаклҳои хоҷагидорӣ 66 ҳазору 200 сарро ташкил намуда, аз ҷумла модагов 34 ҳазору 687 сарро ташкил менамояд, ки нисбат ба ҳамин давраи соли гузашта чорвои калони шохдор- 3617 сар ва модагов- 1590 сар зиёд мебошад. Саршумори бузу гӯсфанд, асп ва занбӯри асал низ дар ин давра зиёд шудаааст.Чорводорони ноҳия дар соли 2013 ҳаҷми истеҳсоли гӯшт ва ширро хеле зиёд карданд. Ин нишондиҳанда дар хоҷагиҳои ҷамъиятӣ ва деҳқонии ноҳия 6848 тоннаро ташкил намуда, нисбат ба соли гузашта, 454 тонна зиёд мебошад.