Истифода аз системаи ягонаи «Онлайн»

Душанбе, 04.02.2014. (АМИТ «Ховар», Кристина  Эрлих).- Аз  системаи  ягонаи  «Онлайн» — и Хадамоти  федералии  муҳоҷират  беш  аз  77  ҳазору  121  нафар  шаҳрвандони  Ҷумҳурии  Тоҷикистон  бархӯрдор  шуданд. Аз  ҷумлаи онҳо  ба 9  ҳазору  340  нафарашон  хабар  дода шуд, ки  сафарашон ба  ҳудуди  Федератсияи  Русия  манъ  шудааст. Истифодаи  системаи  мазкур  дар  Фурудгоҳи  ьбайналмилалии  Душанбе   имкон  дод, ки   6  миллиону  400  ҳазор  доллари  ИМА чун  захираҳои  молиявии   шаҳрвандони  Тоҷикистон  сарфа  гардад. Директори генералии  Ҷамъияти  саҳҳомии шакли  кушодаи «Фурудгоҳи байналмилалии  Душанбе»  Рустам  Холиқов  дар  нишасти  матбуотӣ аз рӯи  натиҷаи  фаъолият  тайи  соли  2013   аз ин  хусус  хабар  дод.
 
Дар  ҷараёни  нишасти  матбуотӣ  ҳамчунин   зикр  шуд, ки  соли  2013  фоидаи Фурудгоҳи   байналмилалии  Душанбе 73  миллион  сомониро  ташкил  дод.