Коргоҳи тавлиди азоти моеъ
Душанбе, 25.02.2014. (АМИТ «Ховар», Екатерина Пасторова).- 24 феврал дар заминаи Пажӯҳишгоҳи физикию техникӣ коргоҳи тавлиди азоти моеъ мавриди истифода қарор гирифт. Тавре ки муовини директори пажӯҳишгоҳ Алимаҳмад Холов ба АМИТ «Ховар» хабар дод, коргоҳи нав дар як соат 30 литр азот тавлид менамояд.
Мувофиқи суханони Алимаҳмад Холов, пештар ин маҳсулот барои эҳтиёҷоти пажӯҳишгоҳ истифода шуда, ҳоло дар ҳамаи соҳаҳои хоҷагии халқи ҷумҳурӣ рӯи кор оварда мешавад. Масалан, Вазорати кишоварзии кишвар ҳар сол ба 40 тонна азоти моеъ зарурат дорад.
Қобили зикр аст, ки корхонаи тавлиди азот бинобар мавҷуд набудани маблағ соли 1992 фаъолияташро қатъ карда буд. Барои барқарор намудани коргоҳ 50 ҳазор сомонӣ сарф шудааст.
«Мо барои эҳтиёҷоти ҷумҳурӣ на фақат азот, балки оксиген ҳам тавлид менамоем, ки барои ин таҷҳизоти зарурӣ ва заминаи техникӣ дорем», — қайд намуд Алимаҳмад Холов.
9 феврал дар якчанд идораю корхона нишасти матбуотӣ баргузор мегардад
Оид ба тағйирёбии иқлим ва стратегияҳои мутобиқшавӣ дар Осиёи Марказӣ конференсияи байналмилалӣ доир мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
«МегаФон Life»: алоқа бе маҳдудият ва хароҷоти зиёдатӣ
НИШАСТИ МАТБУОТӢ. Палатаи савдо ва саноат иштироки соҳибкоронро дар 38 намоишгоҳ таъмин намудааст
СОЛИ 2026 — СОЛИ АМАЛҲОИ НЕК, ТАШАББУСҲОИ СОЗАНДА ВА ДАСТОВАРДҲОИ НАЗАРРАС. Онро метавон марҳилаи нави ободонӣ ва худшиносии миллӣ номид
Имрӯз дар баъзе ноҳияҳои Тоҷикистон туман мефарояд
