Корхонаи хурд дар Муҳоҷиробод

Фархор, 04.02.2014. (АМИТ «Ховар», Сулаймон  Холов).- Дар  ноҳияи  Фархор  сохтмони  боғи  фарҳангию  фароғатӣ ба  маблағи  6943,18  ҳазор  сомонӣ,  осорхона  ба  маблағи  2850, 44 ҳазор  сомонӣ, китобхонаи марказии  ноҳия ба маблағи  2020, 88  ҳазор  сомонӣ  ва дигар  иншоотҳои  хурду  бузург   мавриди  истифода  карор  дода шуда,  корҳои  сохтмонӣ  дар дигар    иншоотҳои  ноҳия   идома доранд, — гуфт   зимни   нишасти  матбуотӣ  раиси  ноҳия  Раъно  Мирзоева. 
Ба  гуфтаи  манбаъ,  маблағи  умумии  корҳои  сохтмонӣ  16 млн 364 ҳазору 450  сомониро  дар бар  гирифта, бо  сифати  баланд ба  анҷом  расонида   шудаанд. Бо дастгирии  соҳибкор  Диловар  Муҳиддинов  дар  деҳаи  Муҳоҷирободи  ҷамоати   деҳоти  Дарқад  корхонаи   хурди  саноатии  истеҳсоли  шағал ва  қум  ба  миқдори 250 метри  мукааб дар  як   шабонарӯз  бо  сарфи 600 ҳазор сомонӣ  маблағ  ба истифода  дода   шуд,  ки дар  корхона  беш  аз  50  нафар   бекор  ба кор  ҷалб  гардид.