Коррупсия ба хатари ҷаҳонӣ табдил ёфтааст

Душанбе, 28. 02. 2014. (АМИТ «Ховар», Муқаддас Темурзода).-Имрӯз дар Вазорати корҳои дохилӣ вохӯрии намояндагони Агентии назорати давлатии молиявӣ ва мубориза бо коррупсияи Ҷумҳурии Тоҷикистон бо ҳайати шахсии мақомоти корҳои дохилӣ баргузор гардид. Дар вохӯрӣ муовини сардори агентии мазкур генерал-майори адлия Миллопар Бандишоев оид ба мубориза бар зидди коррупсия ва пешгирии он сухан гуфт. Аз ҷумла, зикр намуд, ки дар баробари терроризм ва экстремизм, коррупсия низ ба як хатари ҷаҳонӣ табдил ёфтааст. Аз ин рӯ мубориза бар зидди ин зуҳуроти номатлуб дар ҳамбастагӣ ва ҳамкории ҳамаи мақомоти ҳифзи ҳуқуқ ва сохторҳои қудратӣ бояд пурзӯр  шавад.
Дар хотимаи вохӯрӣ байни маърӯзачиён ва ҳайати шахсии мақомоти корҳои дохилӣ музокираҳо сурат гирифтанд. 
Дар ин бора ба АМИТ «Ховар» аз маркази матбуоти Вазорати корҳои дохилии Ҷумҳурии Тоҷикистон иттилоъ доданд.