М.Ҳабибуллоев роҳбарии «Регар – ТадАз» — ро боз ба ӯҳда гирифт

Душанбе, 12.02.2014. (АМИТ «Ховар»).- Сармураббии дастаи мунтахаби ҷавонони Тоҷикистон оид ба футбол (U-21) Маҳмадҷон Ҳабибуллоев боз мансаби мураббии қаҳрамони ҳафткараи ҷумҳурӣ клуби «Регар – ТадАз» — и шаҳри Турсунзодаро ба ӯҳда гирифт.Клуби «Регар – ТадАз» дар охири ҳафтаи гузашта бо роҳбарии Маҳмадҷон Ҳабибуллоев ба омодагирӣ ба мавсими нав шурӯъ кард. Хотирнишон месозем, ки М.Ҳабибуллоев аз ин пеш аз соли 2001 то моҳи июли соли 2013 роҳбари дастаи «Регар – ТадАз» буд. Қобили зикр аст, ки дастаи «Регар – ТадАз» дар мавсими соли гузашта бо 33 хол дар ҷадвали мусобиқоти Тоҷикистон оид ба футбол ҷойи чорумро касб намуд.