М. Раҳимов: «Консепсияи сиёсати ҳуқуқию ҷиноятии ҶТ таҳия шуд»
Душанбе, 6.02.2014.(АМИТ «Ховар», Муқаддас Кушакова).- «Дар соли сипаригардида Маркази миллии қонунгузории назди Президенти Ҷумҳурии Тоҷикистон бо мақсади такмили қонунгузорӣ, баланд бардоштани сифат ва самаранокии фаъолияти ҳуқуқэҷодкунӣ, таҳлили муқоисавӣ, тафсири қонунҳои амалкунандаи Ҷумҳурии Тоҷикистон ва дастрас намудани иттилооти ҳуқуқӣ як зумра корҳоро ба анҷом расонид»,- иброз намуд дар оғози нишасти матбуотӣ Маҳмад Раҳимов, директори Маркази миллии қонунгузории назди Президенти Ҷумҳурии Тоҷикистон ба хабарнигорон.
Тибқи иттилоъ, маркази мазкур ҷиҳати баланд бардоштани сифати қонунҳо ва дар ҳамин замина бартараф кардани мухолифати байни санадҳои меъёрии ҳуқуқӣ ва мукаммалсозии онҳо ба зиёда аз 240 лоиҳаи қонун, дигар санади меъёрии ҳуқуқӣ ва созишномаи байналмилалӣ хулосаи ҳуқуқӣ дода шуд, ки дар маҷмӯъ зиёда аз 1200 таклифу пешниҳодро дар бар мегирад. Кормандони марказ дар ҳайати зиёда аз 26 гурӯҳи корӣ оид ба таҳияи лоиҳаи қонунҳо ва барномаҳои давлатӣ дар соҳаи ҳуқуқэҷодкунӣ фаъолона ширкат намуда, дар зиёда аз 40 конфронси илмию амалӣ, мизи мудаввар ва семинарҳои сатҳи ҷумҳуриявӣ ва байналмиллалӣ иштирок карданд.
Зикр кардан ба маврид аст, ки аз ҷониби кормандони марказ ҳамчунин Консепсияи сиёсати ҳуқуқию ҷиноятии Ҷумҳурии Тоҷикистон ба анҷом расида, бо Қарори Ҳукумати Ҷумҳурии Тоҷикистон аз 2 ноябри соли 2013 тасдиқ карда шуда, 8 тафсир ва як силсила китобҳо нашр шуданд.
Бо мақсади таҳким ва рушди муносибатҳои байналмиллалӣ дар соли гузашта директори Маркази миллии қонунгузории назди Президенти Ҷумҳурии Тоҷикистон бо директори Институти давлат ва ҳуқуқи назди Президенти Туркманистон Ёддошти тафоҳум ба имзо расонид.








Имрӯз дар ноҳияҳои кӯҳии Тоҷикистон ҳаво то 12 дараҷа гарм мешавад
МегаФон Тоҷикистон: МегаҚувва гигабайтҳоро дучанд менамояд
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд






