Маблағгузорӣ ҷиҳати донишандӯзии ҷавонон

Душанбе, 26.02.2014. (АМИТ «Ховар», Некрӯзи Муҳаммадсодиқ).-Имрӯз дар Китобхонаи миллии Тоҷикистон  нишасти матбуотии  Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон  оид ба «Барномаи миллии рушди иҷтимоии  ҷавонон дар Ҷумҳурии Тоҷикистон барои соли 2013-2015» мизи мудаввар  бо иштироки шарикони иҷтимоӣ, аз ҷумла ташкилотҳои ҷамъиятӣ баргузор гардид. 
Дар соли 2013 маблағгузории «Барномаи миллии рушди иҷтимоии ҷавонон дар Ҷумҳурии Тоҷикистон барои солҳои 2013-2015» дар сатҳи ҷумҳурӣ 5 млн. 099 ҳазору 800 сомонӣ пешбинӣ гашта, 2 млн. 429 ҳазор сомонӣ ҷудо карда шудааст.  Дар натиҷаи амалисозии чорабиниҳо 621 ҳазору 500  ҷавон бо иттилоот, дониш, малака ва таҷрибаи алоқаманд фаро гирифта шуд, ки  40%  ё  249 ҳазору 780  нафари  онро  духтарон  ташкил  медиҳанд.  
Дар  соли  2014  маблағи  умумии  лоиҳаҳои  дастгиригардида  305 ҳазор сомониро  ташкил  медиҳад,  ки 17%  маблағи  умумии  барномаро   ташкил  медиҳад.