Мактаби прапоршикҳо ба фаъолият шуруъ кард

Февраль 14, 2014 14:31

Душанбе, 14.02.2014. (АМИТ «Ховар», Лайло Тоирӣ).-Бо мақсади ҷалби ҷавонони лаёқатманд ба хизмати ҳарбӣ ва баҳри пуррагардонии вазифаҳои холии прапоршикӣ, аз моҳи январи соли равон дар тобеияти Вазорати мудофиаи Ҷумҳурии Тоҷикистон мактаби омодакунии прапоршикҳо таъсис дода шуд ва аз аввали моҳи феврали соли ҷорӣ раванди таълиму тарбия дар ин мактаб оғоз гардид.
Дар курсҳои таълимии мактаби мазкур сарбозоне, ки муддати якуним сол дар сафи Артиши миллии кишвар хизмат намудаанд ва шаҳрвандоне, ки дар айни ҳол дар эҳтиёт мебошанд, дар асоси шартномаи тарафайн ба омӯзиш фаро гирифта шудаанд.
Тавре ки аз Вазорати мудофиаи Ҷумҳурии Тоҷикистон хабар доданд, дар айни замон дар маркази таълимии мазкур аз рӯйи 8 ихтисос- старшинаи рота, тирандози савора дар техникаҳои зиреҳпӯши ҳарбӣ, мошинҳои ҷангии пиёданизом, танк, сардори анбор, механики авиатсионии ҳавопаймо ва чархбол, сардори радиостансия ва стансияҳои радиолокатсионӣ, техник-сардори дастаи зенитиву ракетӣ мутахассисон омода мешаванд. Пас аз анҷоми курсҳои кӯтоҳмуддат хатмкунандагони он вобаста ба ихтисос ба сафи Қувваҳои Мусаллаҳ даъват шуда, бо ҷои кор таъмин мешаванд.
Бояд гуфт, ки таълим дар мактаби омодакунии прапоршикҳо 4 моҳро дар бар гирифта, донишҷӯён ҳангоми таҳсил бо стипендия таъмин  мешаванд. Вобаста ба дарсҳои тахассусӣ дар маркази таълимӣ доир ба ҳар як ихтисоси пешбинишуда афсарони пуртаҷрибаи соҳа ба таълимгирандагон дарс мегӯянд. 

Февраль 14, 2014 14:31

Хабарҳои дигари ин бахш

6 феврал дар якчанд вазорату идораҳо нишасти матбуотӣ баргузор мегардад
Оид ба тағйирёбии иқлим ва стратегияҳои мутобиқшавӣ дар Осиёи Марказӣ конференсияи байналмилалӣ доир мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар якчанд кумита, Академияи миллии илмҳо, Агентии назорати давлатии энергетикӣ ва Мақомоти иҷроияи ҳокимияти давлатии шаҳри Душанбе нишасти матбуотӣ баргузор мегардад
5 феврал дар якчанд кумита, Академияи миллии илмҳо, Агентии назорати давлатии энергетикӣ ва Мақомоти иҷроияи ҳокимияти давлатии шаҳри Душанбе нишасти матбуотӣ баргузор мегардад
«МегаФон Life»: алоқа бе маҳдудият ва хароҷоти зиёдатӣ
НИШАСТИ МАТБУОТӢ. Палатаи савдо ва саноат иштироки соҳибкоронро дар 38 намоишгоҳ таъмин намудааст
СОЛИ 2026 — СОЛИ АМАЛҲОИ НЕК, ТАШАББУСҲОИ СОЗАНДА ВА ДАСТОВАРДҲОИ НАЗАРРАС. Онро метавон марҳилаи нави ободонӣ ва худшиносии миллӣ номид
Имрӯз дар баъзе ноҳияҳои Тоҷикистон туман мефарояд
Имрӯз дар якчанд корхонаю идора нишастҳои матбуотӣ баргузор мегарданд
4 феврал дар якчанд корхонаю идора нишастҳои матбуотӣ баргузор мегарданд
Имрӯз дар Тоҷикистон ҳавои тағйирёбанда пешгӯӣ мешавад