Машғулият бар зидди коррупсия

    Душанбе, 25.02.2014. (АМИТ «Ховар», Муқаддас Темурзода).-Тибқи иттилои маркази матбуоти Агентии назорати давлатии молиявӣ ва маводи нашъаовари Президенти ҶТ бо иштироки ҳайати шахсӣ машғулиятҳои хизматӣ ва размӣ гузаронида шуданд. Дар он асосҳои институтсионалии муқовимат бар зидди коррупсия ва стратегияи миллии зиддикоррупсионӣ омӯхта шуданд. Зикр шуд, ки стратегияи мазкур қисми таркибии сиёсати дохилии кишвар мебошад, ки баҳри беҳтар намудани фазои сармоягузорӣ ва соҳибкорӣ, ҷалби ҷомеаи шаҳрвандӣ ба ҷараёни муқовимат ба коррупсия ва сӯйистифода аз мансаб равона шудааст. 
     Инчунин таҷрибаи мусбати як сисила кишварҳо баррасӣ гардид, ки тибқи қонунгузорӣ маҳдудиятҳои дахлдор ба фаъолияти хизматчиёни давлатӣ ворид шудаанд. 
Дар машғулияти мазкур ҳамчунин фаъолияти мақомоти ҳифзи ҳуқуқ дар мубориза бо корррупсия ва намудҳои ҷавобгарии ҷиноятӣ барои ҷиноятҳои коррупсионӣ омӯхта шуданд.