Машваратҳои сиёсии Тоҷикистону Чин
Душанбе, 21.02.2014. (АМИТ «Ховар»).- Дирӯз, 19 феврал дар шаҳри Пекин машваратҳои сиёсии Тоҷикистон ва Чин баргузор гардид. Ҳайати Ҷумҳурии Тоҷикистонро муовини вазири корҳои хориҷӣ Низомиддин Зоҳидов ва ҳайати Ҷумҳурии Мардумии Чинро муовини вазири корҳои хориҷии он кишвар Чэн Гопин роҳбарӣ намуданд.
Ҷонибҳо масъалаҳои авлавиятноки муносибатҳои дуҷониба, ҳамкории ду кишвар дар чаҳорчӯби созмонҳои байналмилалӣ ва минтақавӣ, инчунин масъалаҳои амнияти минтақавиро мавриди муҳокима қарор доданд.
Ҳар ду ҷониб омодагии худро ба густариши бештари ҳамкории мутақобилан судманди гуногунсоҳа ва таҳкими шарокати стратегӣ байни ду кишвари ҳамҷавор таъйид карданд.
Ёдовар мешавем, ки дар доираи сафари хуб ба Пекин муовини вазири корҳои хориҷии Тоҷикистон Н. Зоҳидов ҳамчунин бо Котиби генералии Созмони ҳамкории Шанхай (СҲШ) Д. Ф. Мезентсев мулоқот доир намуд. Дар мулоқот масъалаҳои омодагӣ ба силсилаи чорабиниҳо, аз ҷумла ҳамоиши сарони давлатҳои СҲШ, ки дар соли 2014 дар чаҳорчӯби раёсати Тоҷикистон дар ин созмони бонуфузи минтақавӣ дар кишвари мо баргузор мегарданд, мавриди баррасӣ қарор гирифтанд.
23 июл дар Донишгоҳи давлатии тиббӣ ва Донишгоҳи давлатии омӯзгорӣ нишасти матбуотӣ баргузор мегардад
Дар ду басти истироҳатгоҳи «Дурахшон» 230 нафар кӯдакону наврасон ба фароғат фаро гирифта шуданд
Имрӯз дар водиҳои Тоҷикистон ҳаво то 32 дараҷа гарм мешавад
Аз 21 то 23 июл дар Тоҷикистон ҳавои номусоид ва бориши борон дар назар аст
МегаФон Тоҷикистон дастрасии муштариёнро ба онлайн-кинотеатри Wink боз намуд
Имрӯз дар шаҳри Душанбе ҳаво то 40 дараҷа гарм мешавад
Имрӯз дар ноҳияҳои кӯҳии Тоҷикистон ҳаво то 35 дараҷа гарм мешавад
