Матбуот ва амнияти иттилоотӣ

Душанбе, 27.02.2014. (АМИТ «Ховар»,Фарзона Достонзода). — 26 феврал дар Хуҷанд тибқи нақшаи кории мақомоти иҷроияи ҳокимияти давлатии вилояти Суғд ба истиқболи Рӯзи матбуоти тоҷик дар мавзӯи «Матбуот ва амнияти иттилоотӣ» маҳфил баргузор гардид.
Ба иттилои хадамоти матбуоти раиси вилояти Суғд дар маҳфил намояндаи мақомоти иҷроияи ҳокимияти давлатии вилоят Мухтор Абдуллоев оид ба ҳадаф ва мақсади баргузории он, таърихи матбуоти тоҷик ва нақши нахустин рӯзномаи «Бухорои шариф» дар таҳкими матбуоти миллӣ ҳарф зад.
Дар чорабинӣ ҳамчунин сармуҳаррири рӯзномаи вилоятии «Суғд ҳақиқати» Фарҳод Ҷӯраев дар мавзӯи «Хусусиятҳои таъмини амнияти иттилоотии Ҷумҳурии Тоҷикистон дар соҳаҳои гуногуни ҳаёти ҷамъиятӣ», Каримбой Комилов, устоди кафедраи рӯзноманигории Донишгоҳи давлатии Хуҷанд ба номи академик Бобоҷон Ғафуров дар мавзӯи «Мафҳум ва моҳияти амнияти иттилоотӣ» сухан гуфтанд.