Милитсияи нақлиёт 59 яроқи оташфишонро мусодира кард

     Душанбе, 13.02.2014. (АМИТ «Ховар», Муқаддас Темурзода).- Тибқи иттилоъ, соли сипаригардида аз ҷониби кормандони Раёсати Вазорати корҳои дохилӣ дар нақлиёти Ҷумҳурии Тоҷикистон (РВКДН) 3 ҳазору 464 вайронкунии қонунгузории маъмурӣ ошкор карда шуд, ки нисбат ба ҳамин давраи соли қаблӣ 733 ҳолат зиёд мебошад. Зикр намудан ба маврид аст, ки аз шахсоне, ки ба ҷавобгарии маъмурӣ кашида шудаанд, 108 ҳазору 826 сомонӣ ҷарима ситонида шудт.
    Аз маълумот бармеояд, ки дар давраи ҳисоботӣ ба ҷумҳурӣ 960 ҷасад  аз дигар давлатҳо ворид шудааст, ки аз ин шумора 86 ҷасад бо сабаби куштор ворид гардидааст.
    Оид ба иҷрои Фармони Президенти Ҷумҳурии Тоҷикистон аз 02.12.1994.  дар соли гузашта кормандони милитсияи нақлиёт 59 адад яроқи оташфишон мусодира карданд. Ин шаҳодат он аст, ки баъзе шахсон ҳанӯз ҳам яроқҳои оташфишонро ғайриқонунӣ нигоҳ медоранд, ки ин ҳолат, албатта, аз ҷониби кормандони мақомоти ҳифзи ҳуқуқ ошкор мешавад.