Муаррифии марҳалаи дуюми лоиҳаи оид ба обтаъминкунӣ

Душанбе, 12.02.2014. (АМИТ «Ховар», Кристина Эрлих).- Мавзӯъҳои асосии ҷаласаи навбатии Шабакаи ташкилотҳои мушорикон оид ба обтаъминкунӣ ва санитарияи устувор, ки имрӯз, 12 феврал, дар шаҳри Душанбе баргузор мешавад, иборат аз муҳокима ва тарҳрезии стратегияи Шабака барои чор соли наздиктарин, ҳамчунин муаррифии марҳалаи дуюми лоиҳаи обтаъминкунӣ ва санитария дар Тоҷикистон мебошад. Барномаи мазкурро ҳукумати Швейтсария тавассути Агентии рушду ҳамкории ин кишвар маблағгузорӣ намуда ва зимни ҳамкорӣ бо Барномаи рушди СММ аз ҷониби Оксфам дар Тоҷикистон роҳандозӣ мешавад.Тавре ки аз намояндагии Оксфам дар Тоҷикистон ба АМИТ «Ховар» хабар доданд, дар ҷаласа ҳамчунин марҳалаи дуюми Лоиҳаи оид ба обтаъминкунии деҳот ва санитария дар водии Фарғонаи Тоҷикистон, ки онро Агентии рушду ҳамкории Швейтсария маблағгузорӣ менамояд, муаррифӣ мегардад. Мақсад аз ин лоиҳа беҳдошти тансиҳатию беҳбудии мардуми деҳот бо усули ҷорӣ намудани системаи устувори обтаъминкунӣ ва беҳтар сохтани танзифоти хонаводаҳо мебошад.