Муколама дар мавзӯи ҳуқуқҳои инсон

Душанбе, 12.02.2014. (АМИТ «Ховар»).- 10 феврал дар шаҳри Душанбе мулоқоти вазири корҳои хориҷии Тоҷикистон Сироҷиддин Аслов бо ҳайати Конфедератсияи Швейтсария бо роҳбарии сафир оид ба масоили ҳуқуқҳои инсони Раёсати федералии корҳои хориҷии Швейтсария Паул Колер баргузор гардид. Ҳайат барои иштирок дар муколамаи панҷум оид ба ҳуқуқҳои инсони байни Тоҷикистон ва Швейтсария ба шаҳри Душанбе омадааст.Тавре ки аз Вазорати корҳои хориҷии ҶТ хабар доданд, ҷонибҳо дар ҷараёни мулоқот масоили ҳамкории дуҷониба дар бахшҳои мухталиф, аз ҷумла дар соҳаи ҳуқуқҳои инсонро мавриди баррасӣ қарор доданд. Зикр шуд, ки амалияи доир намудани муколама аз рӯи ҳуқуқҳои инсон барои мубодилаи таҷриба ба манзури беҳдошти вазъи ҳуқуқҳои инсон имконияти хуберо фароҳам месозад.