Мулоқотҳои судманд бо занҳои хонанишин

Душанбе, 1.02.2014. (АМИТ «Ховар»).-Мутобиқи нақшаи муштараки Агентии назорати маводи нашъаовари назди Президенти ҶТ бо Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон дирӯз  дар якҷоягӣ бо намояндагони маркази тиббии №11 шаҳри Душанбе дар маҳаллаҳои “Маърифат”, “Қаротегин” ва “Шодиёна”-и пойтахт бо занҳои хонанишин мулоқотҳо доир   гардиданд.
Дар  мулоқотҳо мутахассисони агентӣ ба занҳои хонанишин ва дигар нафароне, ки иштирок доштанд, дар бораи оқибатҳои сар задани нашъамандӣ, сироятшавӣ ба бемориҳои ВНМО, гепатити С, содиршавии ҷинояткорӣ дар байни ҷавонон ва наврасон сухан гуфтанд.