Мулоқот бо намояндаи Комиссияи Аврупо

Душанбе, 12.02.2014. (АМИТ «Ховар»).- Чанде пеш вазири корҳои хориҷии Тоҷикистон Сироҷиддин Аслов бо директори Раёсати оид ба умури Осиё, Осиёи Марказӣ ва Минтақаи уқёнуси Ором, директори генералӣ оид ба рушду ҳамкории Комиссияи Аврупо Дирк Меганк мулоқот намуд. Тавре ки аз Вазорати корҳои хориҷии ҶТ хабар доданд, ҷонибҳо дар ҷараёни мулоқот самтҳои ҳамкории дуҷонибаи Иттиҳоди Аврупо ва Тоҷикистонро мавриди муҳоқима қарор дода, перомуни дурнамои рушди ҳамкорӣ дар солҳои 2014 – 2020, ҳамчунин масоили ислоҳоти дохилии давлат дар бахши ҳуқуқҳои инсон ва волоияти қонун, таҳкими амнияти сарҳад, идораи захираҳои об, энергетика ва ҳамкорӣ бо муҳити зист, Стратегияи Иттиҳоди Аврупо барои Осиёи Марказӣ, ҳамчунин вазъияти Афғонистон ва минтақа табодули афкор намуданд.