Мусодираи ҳаҷми калони маводи мухаддир

Февраль 4, 2014 09:39

Душанбе,  4.02.2014. (АМИТ «Ховар», Бекназари Абӯбакр). — Кормандони мақомоти амнияти миллӣ рӯзи 31-уми январи соли равон бо гумони даст доштан дар муомилоти ғайриқонунии маводи мухаддир дар назди истгоҳи мошинҳои КВД «Ширкати алюминийи тоҷик» дар шаҳри Турсунзода ронандаи мошини боркаш Мирмастов Иброҳим Додихудоевич, соли таваллудаш 1969, сокини шаҳри Хоруғи ВМКБ, маълумоташ миёна, соҳиби 4 фарзандро боздошт намуданд.
Аз маркази робитаҳои ҷамъиятии Кумитаи давлатии амнияти миллии Ҷумҳурии Тоҷикистон ба АМИТ «Ховар» иттилоъ доданд, ки ҳангоми азназаргузаронии мошин, аз зери рафи ҷойи хоби ронанда 3 адад бастаи полиэтилинӣ бо 14 донагӣ бастаҳои хурд, дар маҷмӯъ бо 42 адад бастаи дорои  40 килограмму 950 грамм маводи мухаддири навъи афюн дарёфт ва мусодира гардид.
Пурсиши боздоштшуда Иброҳим Мирмастов нишон дод, ки номбурда ин миқдор маводи нашъаоварро дар ҳудуди бозори «Тем»-и шаҳри Хоруғ, тибқи маслиҳати пешакӣ аз Валид ном шаҳрванди Афғонистон дастрас намудааст. Бо кумаки охирин, онҳо бастаҳои маводи мухаддирро дар ноҳияи Ишкошим бо мақсади интиқол додан ба шаҳри Турсунзода, дар дохили кабинаи мошини боркаши Мирмастов Иброҳим ҷобаҷо кардаанд. 
Дар айни замон нисбат ба боздоштшуда Мирмастов Иброҳим Додихудоевич бо дастрасии моддаи 200 қисми 4-и КҶ ҶТ парвандаи ҷиноятӣ оғоз шуда, тафтишоти пешафкӣ давом дорад.

Февраль 4, 2014 09:39

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд